HAY, BUHAY AMERICA (life in america)

Akala ng mga tao na nasa Pilipinas kapag nasa America ka akala nila madami ka ng pera. Ang totoo, madami kang utang, dahil credit card lahat ang gamit mo sa pagbili mo ng mga gamit mo. Kailangan mo gumamit ng credit card para magka-credit history ka, kase kapag hindi ka umutang o wala kang utang, ibig sabihin wala kang kapasidad magbayad.

Akala nila mayaman ka na kase may kotse ka na. Ang totoo, kapag hindi ka bumili ng kotse sa America maglalakad ka ng milya-milya sa ilalim ng init ng araw o kaya sa snow. walang jeepney, tricycle o padyak sa America .

Akala nila masaya ang buhay sa Amerika, Ang totoo, puro ka trabaho, kase pag di ka nagtrabaho, wala kang pambayad ng bills mo sa kotse, credit cards, ilaw, tubig, insurance, bahay at iba pa. Hindi ka na pwedeng tumambay sa kapit-bahay, kase busy din sila maghanap-buhay pangbayad ng bills nila.

Akala nila masaya ka kase nagpapadala ka ng pictures mo sa DisneyLand , Seaworld, SixFlags, Universal Studios at iba pang attractions. Ang totoo, kailangang ngumiti ka, kasi nagbayad ka ng $70.00 para makarating ka dun, kailangan mo naman ng 10 hours na suweldo mong pinangbayad sa ticket.

Akala nila malaki na ang kinikita mo kase dolyar na sweldo mo. Ang totoo, malaki pagpinalit mo ng peso, pero dolyar din ang gastos mo sa America , Ibig sabihin ang dolyar mong kinita sa presyong dolyar mo din gagastusin. Ang 15.00 pesos na sardinas sa Pilipinas $ 1.00 sa America , and isang pakete ng sigarilyo sa Pilipinas 40.00, sa America $6.50, ang upa mo sa bahay na P10,000 sa Pilipinas, sa America $1,000……

Akala nila buhay milyonaryo ka na kase ang ganda ng bahay at kotse mo. Ang totoo milyon ang utang mo. Ang bago mong kotse 5 taon mong huhulugan o higit pa. Ang bahay 30 taon mong huhulugan. Ibig sabihin, alipin ka ng bahay at kotse mo.

Madaming naghahangad na makarating sa America . Lalo na mga nurses, mahirap maging normal na manggagawa sa Pilipinas. Madalas pagod ka sa trabaho. Pag dating ng sweldo mo, kulang pa sa pagkain mo.pero ganuon din sa ibang bansa katulad dito sa America . hindi ibig sabihin dolyar na ang sweldo mo, yayaman ka na, kailangan mo ding magbanat ng buto para mabuhay ka sa ibang bansa.

Isang malaking sakripisyo ang pag-alis mo sa bansang pinagsilangan at malungkot iwanan ang mga mahal sa buhay. hindi pinupulot ang pera o pinipitas. hindi ako naninira ng pangarap, gusto ka lang buksan ang bintana ng katotohanan. ….

HE,HE,HE, KAYA PAG-ISIPAN NINYO MABUTI KUNG GUSTO NINYO D2 SA AMERICA